Киноконцерт залын желтоқсанда тапсырылады

2 060 рет қаралды

Халықаралық әуежай жолының сол жағында салынып жатқан 1200 орынға  есептелген киноконцертзалы  пайдалануға үстіміздегі жылдың аяғында берілмекші және ол Қазақстан тәуелсіздігінің 20 жылдығына орайластырылған. Бұл туралы облыстық құрылыс басқармасы бастығының міндетін атқарушы Ибрагим ӘМІРОВ хабарлады.

Құрылысты «Снабойлстрой» мердігерлік компаниясы жүргізеді. Жұмыс тәулік бойына жүргізіледі. Нысанды жобалау жұмысымен «АтлантБ» ЖШС айналысты. Сәулетшілердің пікірінше, зал дөңгелек болады, диаметрі 90 метр. Ғимараттың іргетасынан басталған биіктігі 28 метрді құрайды. Сахнаның параметрлері – ұзындығы 54 метр, ені-20 метр, биіктігі 16 метр. Жоғары қабаттарға Шаймардан Сариев атындағы облыстық өнер мұражайы өз  раритеттерін орналастыратын болады. Тендер бойынша нысан 2012 жылдың аяғында тапсырылуы тиіс болатын, демек, құрылыс жұмыстары кестеден екі есе алда келе жатыр.

Мұрат СҰЛТАНҒАЛИЕВ

27 сәуір 2011, 19:45

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 707 37 300 37 нөміріне және editors@azh.kz поштасына жібере аласыз.