В Атырау +2 
Түркия соты Қазақстан азаматы Әлия Құлмағамбетованың өліміне себеп болған жол апатына кінәлі жүргізушіге айыппұл салу туралы шешім шығарды. Әйел 2023 жылғы 13 қазанда Аланьяда бағдаршамның жасыл түсінде жаяу жүргіншілер жолынан өтіп бара жатқан кезде қаза болды. Бұл туралы Stan.kz хабарлады.
Қайғылы оқиғадан кейін екі жыл өткен соң сот үкімі шықты. Бастапқыда жүргізушіге 2 жыл 6 айға бас бостандығынан айыру жазасы тағайындалған болатын. Алайда сот оның соттылық тарихының болмауын ескере отырып, жазаны 2 жыл 1 айға қысқартты да, ақыр соңында 30 400 лира (шамамен 395 мың теңге) көлемінде айыппұл төлеуге үкім шығарды. Сонымен қатар, кінәлі адам төрт ай бойы көлік жүргізуге тыйым салынды.
Марқұмның сіңлісі Меруерт Ибраева сот шешімін отбасын қорлау деп бағалады. Ол Facebook парақшасында:
«Түрік соты немесе адам өмірі – 395 мың теңге! Кінәлі адам біздің сіңлімізді жаяу жүргіншілер жолында қағып кетті… оның құны 700 доллар ма?»
Ибраеваның айтуынша, тергеу барысында кінәлі адам бір күн де қамауда отырмаған, ал TikTok-та қайғылы оқиғадан кейін екі аптадан соң видео жариялап, ән айтып, өмірден ләззат алған.
Марқұмның туыстары сот шешіміне шағым түсіретіндерін мәлімдеді. «Әділетке қол жеткізу үшін бар күшімізді саламыз», – деді олар.
Апаттан кейін Құлмағамбетованың отбасы Қазақстанның Сыртқы істер министрлігіне және Бас прокуратураға іс бойынша бақылау жүргізуді сұрап жүгінген. Ағасы жол-көлік оқиғасының қауіпті D400 тас жолында болғанын атап өтті. Сол жолда бұрын да қазақстандық журналист Арайлым Бағытжан мен оның екі жасар қызы қаза тауып, ал олардың отағасы алған жарақатынан кейін қайтыс болған еді.