Атырау, 28 наурыз 15:40
 бұлыңғыр боладыВ Атырау +4
$ 449.58
€ 486.94
₽ 4.86

Мәскеу әкімдігі Навальныйға шеру өткізуге рұқсат берді

2 126 просмотра
Алексей Навальный Фото: Рамиль Ситдиков / РИА НовостиАлексей Навальный Фото: Рамиль Ситдиков / РИА НовостиМәскеу әкімдігі мэр сайлауына түскен Алексей Навальныйға 9 қыркүйек күні Болотный алаңында шеру өткізуге рұқсат берді. Шеруге қатысушылар санын өтініш иелері 2 мың 500 адам деп көрсеткен.  

Осы күні Ресей коммунистік партиясы Новопушкин алаңында акция өткізбек. Бұл акцияға мың адам қатысады деп келісілген.

Мәскеуде 8 қыркүйек күні таңғы сағат сегізде мэр сайлауы басталды. Мәскеу басшысының орнына 6 кандидат таласпақ. Олар: Михаил Дегтярев ("ЛДПР"), Николай Левичев ("Справедливая Россия"), Иван Мельников ("КПРФ"), Сергей Митрохин ("Яблока"), Алексей Навальный ("РПР-ПАРНАС") және өзін өзі ұсынған, Мәскеу мэрінің міндетін атқарушы Сергей Собянин. 

Сарапшылар "Бұл сайлауда жеңіске негізгі екі кандидат таласады. Олар - Алексей Навальный мен Сергей Собянин" деп болжаған. Ресей оппозициясының жетекшілерінің бірі Алексей Навальный сайлау науқаны барысында Сергей Собянинге көптеген айыптар таққан.

2013 жылы шілде айында Алексей Навальный «қаржыны талан-таражға салды» деген айыппен бес жылға сотталған еді. Көп адамдар «бұл істің саяси астары бар» деп есептейді. 

Навальный сот шешіміне апелляциялық арыз берген.
 
Дереккөз: azattyq.org
9 қыркүйек 2013, 10:35

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 771 37 800 38 нөміріне және editor@azh.kz поштасына жібере аласыз.