В Атырау
+8 
АҚШ-тың ұлттық қауіпсіздік агенттігінің қызметкерлері iPhone-нан бастапAndroid және Blackberry секілді кез келген сматрфонның операциялық жүйесіндегі деректерді қолына түсіре алады. Бұл жақында жария болған құпия қызметтердің құжаттарында көрсетілген, деп хабарлайды РБК агенттігі.
Аталған құжаттар Германия БАҚ-тарында жарияланған. Онда Американың ҰҚА қызметкерлері телефондағы нөмірлерді, SMS-хабарламаны оқып қана қоймай, телефон иесінің тұрған жерін де анықтай алатындығы көрсетілген.
Германия тілшілерінің қолына тиген құжаттарға сенсек, АҚШ-тың ҰҚА-да әр ұялы телефонның жүйесімен айналысатын арнайы мамандар тобы бар екен. Мысалы iPhone-дағы деректі алу үшін оны қосқан компьютерге қол жеткізсе жеткілікті екен. Скрипт аталатын шағын бағдарлама iPhone-да орнатылған 38 бағдарламаның мәліметін түсіріп бере алады.
Олар тіпті операциялық жүйесі мықты әрі сенімді деп аталатын Blackberry телефонының да қорғанысын бұзған. 2009 жылдан бері америкалық құпия қызметтегілер осы смартфонның SMS-хабарламасын оқуға қол жеткізген.
Агенттіктің жұмысы туралы қазір Ресей жерінде жүрген бұрынғы қызметкер Эдуард Сноуден жария еткен болатын.
Дереккөз: bnews.kz