Мәскеу мэрі сайлауында Сергей Собянин жеңіске жетті

Мәскеу қаласының мэрі лауазымына сайлауда Ресей астанасы мэрінің уақытша міндетін атқарушы, өзін-өзі ұсынған кандидат Сергей Собянин алғашқы турдың өзінде сенімді жеңіске жетті.

 

Мәскеу тұрғындары соңғы 10 жылда тұңғыш рет мэрді сайлау мүмкіндігіне ие болған еді.Мәскеулік сайлау комиссиясының мәліметтері бойынша жергілікті уақытпен сағат 2-де 77,5% хаттама өңделіп болған, Собянинге сайлаушылардың 51,45%-ы дауыс берген. Екінші орында оппозиционер, блогер Алексей Навальный  («ПАРНАС» партиясынан) - 27,13%. Басқа үміткерлер едәуір артта қалып отыр: Иван Мельников (РФКП) - 10,68%, Сергей Митрохин («Яблоко» партиясы) - 3,5%, Михаил Дегтярев (РЛДП) - 2,89%, Николай Левичев («Справедливая Россия») - 2,82%. Жалпы Мәскеудегі сайлауға қатысу көрсеткіші - 33,23%. РФ ОСК мәліметтері бойынша, Мәскеу облысында да губернатордың уақытша міндетін атқарушы, «Единая Россия» атынан сайлауға түскен кандидат Андрей Воробьев алда келеді. 12,73% бюллетеньдерді өңдегеннен кейін Воробьевке 78,11% дауыс берілген. Облыстағы сайлаушылардың белсенділігі 36% құрады. Естеріңізге сала кетейік, 8 қыркүйек күні Ресей Федерациясының 80 субъектісінде Бірыңғай сайлау күні өткізілді. Оның барысында 7 мыңға жуық сайлау мен жергілікті референдумдар өтті. 

 

Дереккөз: ҚазАқпарат