В Атырау +4 
Атырау тұрғындары арасында қамыс өрттерінің себептері туралы конспирологиялық нұсқа әлі де кең таралуда. Кейбір қала тұрғындарының пікірінше, қамысты әдейі өртейді. Мұндай өрттерден шыққан қою түтін негізінен түнгі уақытта шығарылатын зауыттардың зиянды шығарындыларын жасыру үшін керек деседі.
Бұл пікірді растайтын дәлел ретінде қамыс өрттері болған күндері ауада күкіртсутектің рұқсат етілген концентрациясынан асуы тіркелгені алға тартылады. Осы болжамдарды тексеру үшін біз мамандарға жүгіндік.
Атырау облысы бойынша экология департаменті басшысының орынбасары Ерлан Есеновтің хабарлауынша, «Қазгидромет» РММ филиалының деректері бойынша 2025 жылдан бастап өңірде ауа сапасы жоғары деңгейде ластанған 89 жағдай тіркелген. Көп жағдай наурыз, мамыр және маусым айларында болды, ол кезде күннің жылынуы мен ыстық ауа массаларының әсері байқалған. Сол күндері жел солтүстік-батыс, солтүстік, шығыс немесе оңтүстік-шығыс бағыттарында соқты. Аталмыш секторларда «Квадрат» булану алаңы, 5 километр радиуста бірнеше өндірістік нысандар және «АМӨЗ» ЖШС орналасқан.
Есеновтің айтуынша, атмосфералық ауаның ластануы туралы барлық жинақталған материалдар қолданыстағы заңнама аясында әкімшілік шаралар алу үшін Атырау облысы бойынша санитариялық-эпидемиологиялық бақылау департаментіне жіберіледі.
Осылайша, мамандардың пікірінше, зиянды шығарындыларды жасыру мақсатында қамыстың әдейі өртелетіні туралы нақты дәлелдер жоқ. АМӨЗ-дің баспасөз қызметі де "әлеуметтік желілер мен кейбір БАҚ-та тараған «АМӨЗ» ЖШС-нің қамыс өрттері мен ауа ластануына қатысы бар деген ақпараттың шындыққа жанаспайтынын" атап өтті.
Биыл көктемде қаланың қоршаған ортасына өндірістік қалдықтардың әсерін зерттеген «Ренессанс Плюс» компаниясының басшысы Әсет Тазабеков бұл нұсқаларды сенімді емес деп санайды:
«АМӨЗ зауытының маңында зерттеулер барысында шығарындыларды анықтадық. Негізгі шығарындылар түнде — түнгі бірден таңғы алтыға дейін байқалады. Бұл технологиялық процесспен байланысты шығар, бірақ нақты не бұзылатынын айту қиын. Біз Атырау қаласында және АМӨЗ маңында зерттеулер жүргіздік. Күкіртсутектің өте жоғары мөлшерін тіркедік. Осындай иісті мен зертхана ретінде Шымкенттегі жергілікті мұнай өңдеу зауытының қасынан анықтадым. Барлық экологтар мұның мұнай өңдеу өндірісімен байланысты екенін түсінеді, бірақ нақты қай кезеңде және қандай технология арқылы ластану болатынын дәлелдеу мүмкін емес. Заң экологтарға жай ғана барып, айып тағуға мүмкіндік бермейді, прокуратураның ұйғарымынсыз АМӨЗ-ді тексеруге болмайды. Тексерулер тек біреулерге қажет болғанда ғана жүргізіледі».
Айнұр САПАРОВА