В Атырау +4 
2025 жылдың 6 тамызында Гананың Ашанти өңіріндегі Аданси маңындағы Сикаман орманында әскери тікұшақ апатқа ұшырап, борттағы барлық жолаушылар қаза тапты. Олардың қатарында елдің Қорғаныс министрі Эдвард Оман Боама, Қоршаған орта министрі Ибрагим Муртала Мохаммед, сондай-ақ тағы екі жоғары лауазымды тұлға болған. Бұл туралы Евронью́с Malek Fouda басылымына сілтеме жасап хабарлады.
Әлеуметтік желілерде тараған бейнежазбалардан тікұшақтың орманда өртеніп жатқаны байқалады. Билік орындары апатқа не себеп болғанын анықтау үшін тергеу жүргізіп жатыр.
Тікұшақ сәрсенбі күні кешке Гананың астанасы Аккрадан солтүстік-батыстағы алтын өндіретін Обуаси өңіріне бағыт алған. Ашанти өңірінің әуе кеңістігіне енгеннен кейін көп ұзамай радардан жоғалып кеткен. Кейінірек тікұшақтың қалдықтары орман ішінен табылды. Құлаған тікұшақ Z-9 үлгісіндегі әскери техника болған, ол негізінен тасымалдау және медициналық эвакуация үшін пайдаланылатын, қауіпсіз деп саналатын әуе көлігі.
Апат салдарынан сондай-ақ Ұлттық Демократиялық Конгрестің төраға орынбасары Самуэль Сарпонг, Ұлттық қауіпсіздік кеңесшісі Муниру Мохаммед және экипаждың төрт мүшесі қаза тапты.
Гана үкіметі бұл оқиғаны «ұлттық трагедия» деп атап, қаза болған Қорғаныс министрінің резиденциясына және Аккрадағы Ұлттық Демократиялық Конгрестің штаб-пәтеріне халық гүл қойып, құрмет көрсетті.
Гана Африкадағы ең қауіпсіз әуе кеңістігі бар елдердің бірі саналады. Елдегі соңғы ірі апат 2014 жылы болған, онда теңіз маңында тікұшақ құлап, үш адам мерт болған. Бұған дейін, 2012 жылы, жүк ұшағы Аккрадағы ұшып-қону жолағынан шығып кетіп, жолаушылар автобусына соғылып, кем дегенде 10 адамның өмірін қиған болатын.