Қысқа қайырғанда

Көрнекі сурет27 тамызда «Ақжайық» табиғи резерватының қорғау және өсіп-өндіру қызметінің бөлім инспекторлары су полициясының қызметкерлерімен бірігіп, резерват аумағынан браконьерлер тобын ұстады. Рыбоходный каналының сағасында моторлы қайықтан жеті қап сазан мен 14 келі қызыл балық табылды. Ұсталған үш адамға қарсы қылмыстық іс қозғалып, ауланған балық тәркіленіп, «Надежда» ЖШС-не тапсырылды.

***

Каспий Құбыр желісі Консорциумын (КҚК) кеңейту жобасы №17 мектеп-лицейге қажетті мүліктерді сатып алып берді. Мектеп-лицей директоры Дариға БАЛТАБЕКОВАНЫҢ айтуынша, компания оқушылар үшін 20 кітап шкафын, спорттық құрал-саймандар (доп, кір тастары және т.б.), сынып тақтасы мен бейне камера тарту етті.