В Атырау +3 
2025 жылғы 30 шілдеде ҚР Энергетика министрінің №297-н/қ бұйрығына сәйкес, 1 тамыздан бастап Атырау облысының ішкі нарығында сұйытылған мұнай газының шекті және көтерме бағалары көтерілді.
Енді сұйытылған газдың шекті көтерме бағасы тоннасына 51 932 теңгеден 59 722 теңгеге дейін өсті.
Сондай-ақ шекті бөлшек сауда бағалары өзгерді:
-
Атырау және облыс орталығынан 200 км шегінде орналасқан елді мекендердегі автогаз құю станцияларында газ литрі 77 теңгеден 85 теңгеге дейін қымбаттады;
-
200 км-ден алыс орналасқан елді мекендерде литрі 82 теңгеден 90 теңгеге дейін көтерілді.
Қымбаттаудың себептері: Энергетика министрлігі бағаны түзету қажеттілігі сұйытылған газ өндірісінің шығынға ұшырауымен байланысты екенін түсіндіреді. Газ зауыттарында оның өндірісінің өзіндік құны тоннасына 70 000–80 000 теңгені құрайды, ал бұрынғы шекті көтерме баға небәрі 51 932 теңге болған.
Соған қарамастан, баға көтерілгенімен, Қазақстандағы сұйытылған газ бағасы ТМД елдері арасында ең төменгі деңгейде қалып отыр.
Жаңа баға саясатының мақсаты — ішкі нарыққа тұрақты жеткізілімді қамтамасыз ету және газ өңдеу саласына инвестиция тартуға жағдай жасау.
2025 жылдың тамыз айында Энергетика министрлігі Атырау облысына 7 535 тонна негізгі сұйытылған газ көлемін бөлді, оны жеткізу өңірдің газбен қамтамасыз етуші ұйымдары арқылы жүзеге асырылып жатыр.