В Атырау +3 
Атырау облысы Исатай ауданы Архар ауылында 27 шілдеде құтырма дерті тіркелді. Ветеринарлар жануарды оқшаулап, бақылауға алғаны белгілі.
Аймақ фермерлері мал шаруашылығы саласындағы тиісті бақылаудың жоқтығына бұрыннан алаңдап келеді. Соңғы оқиғаларға қарағанда, бұл қауіптердің негізі бар.
Соңғы айларда Құрманғазы ауданында – Дыңғызыл, Еңбекші, Мақаш және Нұржау ауылдарында түйенің жаппай қырылуы тіркелді. Соңғы ақпарат бойынша, 204 жануар ауырып, оның 84-і өлген, 73-і сауыққан, 47-ге жуығы емделіп жатыр. Ұлттық референттік орталыққа жіберілген барлық сынамалар сібір жарасы, бруцеллез, лептоспироз және басқа да қауіпті инфекция анықтаған жоқ.
Бұл жолы түйенің ауруының себебі сона шағып, паразиттік инфекциялар немесе удың әсері болуы мүмкін. Аурулардың нақты сипатын анықтау үшін облыс Биоқауіпсіздік ҒЗИ және ҚазҒЗВИ ғалымдарынан көмек сұрады.
Жылыой ауданында да бұрын түйенің қырылуы тіркелген болатын – алдымен Ақкиізтоғай ауылында, содан кейін Құлсары маңында. Жергілікті тұрғындар жануарлардың кенеттен әлсіреп, жем жемей, өліп жатқанын хабарлаған. Жайылымдық жерлерден алынған су мен шөп сынамалары зертханаға жіберілді, бірақ улы заттар табылған жоқ.
Құрманғазы және Жылыой аудандарындағы екі жағдай да ветеринарлық бақылау мен аурудың алдын алу жұмыстарының деңгейі әлсіз, сондай-ақ шығынға ұшыраған фермерлерге өтемақы төлеудің жоқтығын көрсетеді.
Исатай ауданындағы құтырма дерті жағдайына келетін болсақ, түйе әзірге оқшаулаланды, ал Архар ауылы мамандардың бақылауында.
Естеріңізге сала кетейік, құтырма дерті– жануарға жақындаған адамға жұғатын, жұқса өлімге әкелетін қауіпті вирустық ауру. Аймақта малдың түсініксіз дерттен құлағаны тіркеліп жатқан жағдайда, құтырма дертінің бір ғана жағдайы ветеринарлық қызмет тарапынан шұғыл профилактикалық шараларды және жария есептілікті талап етеді.
Анастасия ШЕРСТЯНКИНА