В Атырау 0 
Жеңіс саябағының түбіндегі қалалық бақта тұрғындарды тегін өнім жинауға шақырғаннан кейін жеміс ағаштарына зиян келгені туралы жағдай тіркелді.
Бастапқы ниет жақсылық жасау болғанымен, арты осындай келеңсіз жағдайға ұласты: ағаштарды сындырып, жұлған, тамшылатып суару жүйесін бұлдіріп тастаған.
Бұл бақтың ағаштары 2020 жылы отырғызылған болатын. Оған алғашқы күннен бастап КДМС компаниясы күтім жасап келеді – суару, өңдеу, көшеттерді ауыстыру және маусымдық жұмыстарды есту және сөйлеу қабілеті бұзылған қызметкерлер атқарады. Олардың көпшілігі үшін бұл жай ғана жұмыс емес, ортақ іске атсалысу мүмкіндігі болатын.
«Біз отырғыздық, күтім жасадық, содан кейін бір күнде бәрін қиратып кетті. Еңбекке құрмет қайда?» — дейді КДМС бригадирі Светлана Цой.
Бақ әкімдік балансында тұрса да, компания есебінен ұсталады. Болған оқиғаға қарамастан, КДМС бақтан өнім жинауға тыйым салмайды, бірақ қала тұрғындарын жасыл желектерге ұқыпты қарауға шақырады.
Анастасия ШЕРСТЯНКИНА