Жапония радиацияның таралуын тоқтату үшін 500 млн. доллар жұмсамақ

1 283 просмотра

АСТАНА. 3 қыркүйек. ҚазАқпарат - Жапония Үкіметі «Фукусима» АЭС-те радиацияның таралуы мен суды зарарсыздандыруға 500 млн. АҚШ долларына жуық қаржы бөлуге уәде етті.

ВВС-дің мәліметінше, ластанған судың ағуын тоқтату үшін зақымданған реактордың астындағы топырақты қатырып тастау жоспарланып отыр. Сонымен қатар жаңадан тазарту жүйесін салу қарастырылуда.

Айта кетейік, «Фукусима» атом электр стансасындағы реактор 2011 жылы болған жер сілкінісі мен цунами салдарынан зақымданған еді. Жексенбі күні аталған стансадағы радиацияның деңгейі бұрынғыға қарағанда 18 есе жоғары болғаны анықталды.

Оператор-компанияның хабарлауынша, станса контейнерлерінің бірінен 300 тонна радиоактивті су топыраққа сіңіп кеткен.

Дереккөз: inform.kz

3 қыркүйек 2013, 17:21

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.