​Атырау облысында кісі өлтіру дерегі 70%-ға артқан

«Свидетель.kz» телеграм-арнасы Қазақстандағы облыстар бойынша қылмыстық жағдайдың рейтингін жариялады. Рейтинг ҚР Қылмыстық кодексінің 99-бабы — «Адам өлтіру» бойынша тіркелген құқық бұзушылықтар негізінде жасалған.

Атырау облысында 2025 жылдың алғашқы алты айында 17 адам өлтіру дерегі тіркелген. Бұл — өткен жылдың осы кезеңімен салыстырғанда 70%-ға көп (2024 жылы — 10 оқиға).

Сол арқылы облыс елдегі ең жоғары адам өлтіру көрсеткіші бар үш аймақтың қатарына кірді.

Кісі өлтіру көрсеткіші бойынша көш бастап тұрған өңірлер:

1. Шығыс Қазақстан облысы – 24 оқиға (коэффициент: 0,332)

2. Солтүстік Қазақстан облысы – 13 оқиға (коэффициент: 0,25)

3. Атырау облысы – 17 оқиға (коэффициент: 0,239)

Ең төмен көрсеткіш тіркелген өңірлер:

• Маңғыстау облысы – 6

• Қызылорда облысы – 6

• Шымкент қаласы – 9

• Ұлытау облысы – 3

Атырау облысы 2024 жылдың соңында қылмыс деңгейі төмен аймақтардың қатарында болса, биыл бірден жоғары үштікке көтерілген. Сарапшылар мұны кісі өлтіру деректерінің күрт өсуімен байланыстырып отыр.