В Атырау +4 
15 шілдеден бастап Латвия биометриялық деректері жоқ ресейлік шетелдік төлқұжаттарды жарамсыз деп таныды. Бұл туралы Коммерсантъ елдің Сыртқы істер министрлігінің сайтына сілтеме жасап хабарлады.
Сонымен қатар, мұндай төлқұжат иелеріне виза беру және тұруға рұқсат алу үшін өтініш қабылдау да тоқтатылды. Енді биометриялық деректері жоқ шенген визасына ие ресейліктердің Латвияға кіруіне тыйым салынды.
Биометриясыз төлқұжатпен ұзақмерзімді виза немесе тұруға рұқсат алып қойған ресей азаматтарына 2026 жылдың 15 қаңтарына дейін өтпелі кезең берілді — осы уақытқа дейін олар төлқұжаттарын биометриялық түрге ауыстыруы қажет.
Айта кетейік, 1 маусымнан бастап Литва да осындай шектеу енгізді. Тек Калининград арқылы теміржол транзитіне ғана рұқсат бар. Бұған дейін Франция, Дания, Исландия, Чехия және Эстония да осындай шектеу енгізген болатын.