​Атырауда көпқабатты үйден шыққан өрт сөндірілді

14 шілде күні сағат 09:15 шамасында Атырау қаласы, Азаттық даңғылы бойындағы тұрғын үйлердің бірінен түтін шыққаны туралы хабарлама түсті.

Оқиға орнына Атырау облысы Төтенше жағдайлар департаментінің 13 қызметкері мен 5 техникасы жедел жетіп, өрт толықтай сөндірілді. Абырой болғанда, зардап шеккендер жоқ.

Құтқарушылар тұрғындарды тұрмыстағы өрт қауіпсіздігін қатаң сақтауға шақырады:

– Электр және газ құрылғыларын дұрыс пайдалану,

– Жанғыш заттарды қауіпсіз сақтау ,

– Балаларға қауіпсіздік ережелерін түсіндіру керек.