В Атырау +1 
Бүгін — Қазақстанның тұңғыш президенті, тарихи тұлға Нұрсұлтан Назарбаевтың туған күні. Осыған орай «Ақ Жайық» газеті 2019 жылдың көктемінде Атырауда Қаныш Сәтпаев даңғылының бір күнге Назарбаевтың құрметіне өзгертілмек болғаны жайлы еске салады.
Бұл оқиға 2019 жылдың көктемінде болды. Атырау қаласында Қаныш Сәтпаев даңғылын Нұрсұлтан Назарбаевтың атына ауыстыруға әрекет жасалды. Әрекет жасалды — негізгі сөз.
21 наурыз күні, Наурыз мерекесінің қызған шағында, Атырау қалалық мәслихатының депутаттары ешқандай талқылаусыз-ақ, бірауыздан қаланың басты даңғылына жаңа атау беруді мақұлдады.
Әкімдіктің баспасөз қызметі сол сәтте-ақ салтанатты хабарлама таратты: «Елбасының сіңірген еңбегі шексіз. Бұл — тарихи қадам. Тұңғыш Президент – Ұлт Көшбасшысының жетістіктері болашақ ұрпақтың жадында осы арқылы қалмақ», – делінген онда.
Академик Қаныш Сәтпаевтың есімі 25 мың пәтерлік жаңа тұрғын ауданға «ауыстырылады» деп уәде етілген еді. Алайда ол аудан сол күйі салынған жоқ, ал Қаныш Имантайұлы өз орнында қалды.
Бірақ бұл оқиғаның ең күтпеген жері – бірнеше сағаттан кейін Республикалық ономастикалық комиссия Назарбаевтың есімін төрт облыс орталығындағы көшелерге беру туралы бастамаларды қайта қарауды ұсынды. Олардың қатарында Атырау да бар еді.
Әкімдік асығыстық жасап, цифрлық карталарда атауды өзгертіп үлгеріп, Сәтпаев даңғылы бір сәтке Назарбаев даңғылы болып карталарда жаңарды. Алайда іс жүзінде көше атауы өзгерген жоқ. Сәтпаевтың есімі орнында қалды. Кейін басқа көше іздеуге тырысқан, бірақ бұл әрекет те сәтсіз аяқталды. Шаңырақ, Доссор, тіпті Арал көшесі бар қалада Нұрсұлтан Әбішұлына орын табылмады.
Бұл бастаманы ұсынған – сол кездегі Атырау қалалық мәдениет және тілдерді дамыту бөлімінің басшысы Ақылбек Рысқалиев еді. Кейін ол облыстық мәдениет басқармасының басшысы болды. Бірақ соңында 7 жылға сотталып кетті.
Қысқасы, бәрі бастапқы қалпында қалды.
Айгүл МАНСУРОВА