Атырауда 1 шілдеден бастап газ бағасы көтеріледі

2025 жылдың 1 шілдесінен бастап Атырау қаласында тауарлық газға жаңа көтерме бөлшек сауда бағалары енгізіледі.

Бұл туралы «QAZAQGAZ AIMAQ» АҚ Атырау өндірістік филиалының баспасөз қызметі хабарлады.

Бағаның өсуі ҚР Ұлттық экономика министрлігінің Табиғи монополияларды реттеу комитетінің Атырау облысы бойынша департаментінің ресми хатына сәйкес жүргізіледі.

Жаңа тарифтер:

• тұрмыстық тұтынушыларға (тұрғындарға): 1000 м³ үшін 13 915,78 теңге (ҚҚС-сыз, тасымалдау тарифін қоса алғанда);

• заңды тұлғалар мен коммуналдық-тұрмыстық тұтынушыларға: 1000 м³ үшін 29 562,37 теңге (ҚҚС-сыз).