В Атырау +1 
2025 жылдың 1 шілдесінен бастап Атырау облысының аңшылық алқаптарында жабайы жануарлар мен құстарға әуесқойлық (спорттық) аң аулау маусымы ресми түрде ашылды.
Бұл туралы облыстық орман шаруашылығы және жануарлар дүниесінің аумақтық инспекциясы шығарған 2025 жылғы 9 маусымдағы №41-НҚ бұйрығында айтылған.
Рұқсат етілген аң аулау тек бекітілген аңшылық шаруашылықтарында ғана жүргізіледі:
- "Құрманғазы", "Исатай", "Жылыой" - Атырау облысының аңшылар мен балықшылар қоғамына тиесілі;
- "Қызылқоға" аңшылық алқабы -- Astau LLP ЖШС-не тиесілі.
Жануарлар мен құс түрлері бойынша аң аулау мерзімдері:
- бекас - 1 шілдеден 30 қарашаға дейін;
- көгершін - 20 тамыздан 30 қарашаға дейін;
- жанат тәрізді ит - 2025 жылдың 1 қыркүйегінен 2026 жылдың 15 ақпанына дейін;
- түлкі - 2025 жылдың 1 қарашасынан 2026 жылдың 15 ақпанына дейін;
- қоян - 2025 жылдың 1 қарашасынан 2026 жылдың 31 қаңтарына дейін;
- қабан - 2025 жылдың 6 қыркүйегінен 31 желтоқсанына дейін;
- борсық - 1 қыркүйектен 2025 жылдың 15 желтоқсанына дейін;
- суда жүзетін құстар (үйрек, қаз) - 2025 жылдың 15 қыркүйегінен 15 желтоқсанына дейін;
- қырғауыл - 2025 жылдың 6 қыркүйегінен 30 қарашасына дейін.
Маңызды: аңшылар "Жануарлар дүниесін қорғау, өсімін молайту және пайдалану туралы" ҚР Заңын және ҚР Ауыл шаруашылығы министрлігінің аң аулау ережелері туралы бұйрықтарын қатаң сақтауы қажет. Аң аулауға рұқсатты тек жоғарыда аталған аңшылық шаруашылықтарының иелерінен алуға болады.
Көрсетілген аумақтардан тыс, соның ішінде резервтік қор жерлерінде аң аулауға тыйым салынады.