В Атырау +4 
Әзірбайжан Ресейдің мәдени іс-шараларын және депутаттар тобының Мәскеуге сапарын тоқтатты, деп хабарлайды АА.
Бакуде Ресейдің мемлекеттік және жеке ұйымдары ұйымдастыратын барлық мәдени іс-шаралар — концерттер, фестивальдер, спектакльдер мен көрмелер тоқтатылғаны хабарланды. Бұл туралы Әзірбайжан Мәдениет министрлігінің хабарламасында айтылған.
Шешім Екатеринбургте Ресей құқық қорғау органдарының әзірбайжандарға этникалық негізде бағытталған, сотсыз өлтірулер мен зорлық-зомбылық әрекеттерін көрсетуімен байланысты. Министрлік мәлімдемесінде мұндай жағдайлар соңғы уақытта жүйелі сипат алып отырғаны атап көрсетілген.
Алдын ала билет сатып алған азаматтар ақшаларын қайтару үшін билеттер сатылған орындарға немесе онлайн платформаларға жүгінуге болады.
Сонымен қатар, Әзірбайжанның Milli Məclis (Ұлттық мәжіліс) бірінші орынбасары Әли Ахмедов басшылық ететін делегация Ресеймен екіжақты парламенттік комиссияның 23-ші отырысына қатыспайды. Бұл отырыс Мәскеуде өтуі тиіс болатын.
Бұл шешім де Екатеринбургтегі әзірбайжандарға қатысты құқық қорғау органдарының заңсыз әрекеттері мен зорлық-зомбылық жағдайларының жиілеуіне байланысты қабылданған.
Әзірбайжан парламентінің баспасөз қызметі бұл мәселені ресми түрде хабарлады.