В Атырау -1 
Бұған дейін санитариялық қызмет мамандары судың ластануына байланысты шомылуға уақытша тыйым салған болатын.
Аудандық санитариялық-эпидемиологиялық басқарма мәліметінше, мамыр айында алынған су сынамаларынан санитарлық-бактериологиялық, санитарлық-химиялық және паразитологиялық көрсеткіштердің шекті мөлшерден асып кеткені анықталған. Сол кезде көлде шомылу жұқпалы және паразиттік ауруларға шалдығу қаупі жоғары болған.
— 20 маусым күні мамандар қайтадан су сынамаларын алды. Қазіргі таңда санитариялық-бактериологиялық және паразитологиялық көрсеткіштер нормаларға сәйкес келеді. Осыған байланысты Қамыскөлде шомылуға қайта рұқсат берілді, — деді Жылыой аудандық СЭББ бақылау бөлімінің басшысы Талғат Хабибуллин.
Еске сала кетейік, аудандағы ашық су айдындарындағы су сапасына мониторинг тоқсан сайын жүргізіледі.
Ләззат ҚАРАЖАНОВА