В Атырау +4 
Молдованың астанасында орналасқан Апелляциялық палата Гагаузия автономиясының басшысы Евгения Гуцулды қамауда қалдыру туралы шешім қабылдады. Ол партияны қаржыландыру мен сайлау қорын басқару мәселелері бойынша айыпталуда. Бұл туралы ТАСС хабарлады.
Адвокат Наталья Байрамның айтуынша, сотшылар қорғау жағының шағымын қанағаттандырмаған. Апелляциялық палата бұған дейін де үш рет Гуцулды қамауда ұстау туралы шешімді растап келген. Бұл жолы да сот отырысы ұзаққа созылғанымен, шешім бірнеше минутта қабылданды.
Адвокат Байрам соттағы қысымның себебінен Гуцулдың құқықтарын қорғау қиынға соғатынын, оның қамауда ұсталуы – сайлау алдындағы саяси қысым екенін атап өтті. Гуцул сайланған лауазым иесі екенін, оған қарсы әрекеттердің негізсіз екенін жеткізді.
Гуцулдың саяси ұстанымы мен Ресеймен достық қатынастарды нығайту жоспары Молдова билігімен қарым-қатынасты ушығырған. Оның сайлау нәтижелерін заңсыз деп тану әрекеттеріне қарамастан, Гагаузия парламенті мен тұрғындары оны қолдап, бірнеше шерулер өтті.
Молдова президенті Майя Санду Гуцулдың үкімет мүшесі болуына заң талап етсе де қол қоймады.
Гуцул өзіне тағылған айыптарды теріске шығарып, оның қамауда ұсталуының саяси астары бар екенін алға тартуда.