В Атырау +27 
«ҚазМұнайГаз» компаниясының бұрынғы басқарма төрағасы Алик Айдарбаев «Kalamkas-Khazar Operating» ЖШС-нің бас директоры лауазымына тағайындалды, деп хабарлайды Petrocouncil.kz.
Басылым дереккөздері оның кандидатурасы «Лукойл» компаниясы тарапынан келісілгенін айтады. «Energy Monitor» ҚҚ басшысы Нұрлан Жумағұловтың айтуынша, Айдарбаев бұл лауазымға 1 шілдеден бастап кіріседі. Бір жылдан кейін «ҚазМұнайГаз» тарапынан басшы қызметіне ротация болуы мүмкін.
«Kalamkas-Khazar Operating» ЖШС 2023 жылдың ақпан айында тіркелген және Қаламқас-теңіз, Хазар және Әуезов кен орындарын игеру бойынша жұмыс атқарады.
Еске салайық, бұған дейін Айдарбаев Ресейлік «Лукойл» компаниясының тағы бір еншілес ұйымы – «ЛУКОЙЛ Лубрикантс Центральная Азия» компаниясындағы қызметке тағайындалғаны туралы хабарланған еді. Ол 2022 жылдың 11 сәуірінде «ҚазМұнайГаз» басқарма төрағасының қызметінен кеткен. Айдарбаев бұған дейін Маңғыстау облысының әкімі болған.
Дайындаған Жомарт ӘМІРХАНОВ