В Атырау +4 
Қазақстан Республикасы Энергетика министрлігінің қолдауымен Атырау қаласында 2025 жылғы 16–18 маусым аралығында жергілікті мазмұнды дамыту мақсатында қазақстандық өндірушілер мен ірі мұнай-газ жобалары (ТШО, ҚПО, НКОК) өкілдері арасында B2B форматындағы кездесулер ұйымдастырылды.
Іс-шараны Өнімді бөлу туралы келісімдердегі уәкілетті орган – «PSA» ЖШС мен IMB орталығы бірлесіп өткізді. Бұл бастама бұған дейін жасалған меморандумдар аясындағы өзара ынтымақтастықты нақты келісімшарттарға айналдыруды көздейді.
Кездесулер қазақстандық тауар өндірушілер мен мұнай-газ саласындағы ірі операторлар арасында тікелей байланыс орнатып, серіктестікті нығайтуға жол ашты. Энергетика министрлігі жергілікті қамтуды қолдауға бағытталған бұл жұмысты жалғастыра беретінін хабарлады.