Жаттығып алдық

Облыстық «Бейбарыс» хоккей командасы Қазақстан Кубогы матчында көкшетаулық «Арланнан» 2:3 есебімен ұтылып, қолаға деген үмітінен айырылды.

«Мәмлүктер» өз топтарында 4 кездесу өткізіп, оның тек біреуінде ғана жеңіске жеткен. Алдымен астаналық «Номад» командасынан 0:2 есебімен, кейін «Алматыдан» буллит бойынша ұтылып қалды. Үшінші матчта өздерінің кім екендіктерін естеріне түсіріп, қарағандылық «Бүркітті» 6:1 есебімен ойсырата жеңіп еді, бірақ «Арланнан» келген жеңіліс кубоктан үмітті ақтамады.

«Бейбарыс» хоккей клубында жеңіліс туралы былайша түсіндіріп берді: «Бастысы, Истомин чемпионаттың алдында маусым аралығында жаңадан қосылған ойыншыларды ойын барысында бақылауға мүмкіндік алды, себебі олар «Бейбарыс» командасының жартысын құрайды».

Мұрат СҰЛТАНҒАЛИЕВ