В Атырау +27 
14 маусымда Атыраудағы Жайық өзені жағалауында Каспий Құбыр Консорциумы (КҚК) ұйымдастырған «Таза жағалау» экологиялық акциясы алтыншы мәрте өтті.
Акцияға КҚК қызметкерлері, мердігер ұйымдар өкілдері, аймақтық ведомстволар мен олардың отбасы мүшелері қатысты.
Қатысушылар Алмалы ауылы маңындағы өзен жағалауын тазалап, 1,2 тонна тұрмыстық қалдықтарды жинап, арнайы полигонға шығарды. КҚК-ның бас инженері Виктор Мирошниченконың айтуынша, бұл акция жыл сайын өткізіліп тұрады, мүмкіндігіне қарай жылына екі рет ұйымдастырылады.
«Жыл сайын жағалаудағы қоқыс азайып келеді, бұл акцияның тәрбиелік әсерінің нәтижесі — адамдар экологияны қорғауға бейімделуде. Көптеген отбасылар үшін «Таза жағалау» акциясы жақсы дәстүрге айналған», — деді Мирошниченко.
Алғашқы акция 2020 жылы өткен, сол кезде 10 тонна қоқыс жиналған. 2024 жылы үш самосвал қоқыс шығарылды. Қызметкерлердің отбасыларының қатысуы экологиялық жауапкершілікті тәрбиелеуде жеке үлгінің маңызын көрсетеді.
КҚК өз қызмет аймағында экологиялық және қайырымдылық жобаларды жүйелі түрде жүзеге асырады. Компания табиғатты қорғау технологияларын енгізіп, сирек кездесетін жануарлар мен өсімдіктерді сақтау бағдарламаларына қатысып, экологиялық стандарттарды қатаң сақтайды.
«Табиғатты қорғау біз үшін бір реттік шара емес, саналы стратегия. Біз болашақ ұрпақ үшін экологиялық мұраны бірге сақтай алатынымызға сенімдіміз», — дейді КҚК өкілдері.