Атырау, 30 қараша 03:34
 ашық В Атырау -2
$ 423.87
€ 505.25
₽ 5.59

Карла дель Понте: Сирия содырлары зарин газымен шабуыл жасаған

1 071 рет қаралды

Дамаскінің жанындағы Шығыс Гутеде химиялық қару қолдану оқиғасының куәгерлерінің айтуына қарағанда «оппозиция содырлары жүйке-паралитикалық әсерлі газ – заринді қолданған болуы тиіс». Бұл туралы бүгін швейцария телеарнасына  Сириядағы адам құқығының бұзылуы бойынша тергеу комиссиясының мүшесі Карла дель Понте мәлімдеген, деп хабарлайды ресейлік ИТАР-ТАСС.

«Сарапшы комиссия әзірге үкімет әскерінің химиялық қару қолданғанын айғақтайтын ештеңе таппады», - деп отыр дель Понте. Оның айтуына қарағанда тергеу әлі жалғасуда.

Сондай-ақ, таяуда Араб мемлекеттерінің лигасы «бейбіт тұрғындарды құрбан еткен Шығыс Гутедегі химиялық шабуыл жасауға» Сириядағы билік жауапты деп айыптаған болатын. 

АҚШ әкімшілігі де бұған дейін үкімет күштері қолданды деп айтып өткен еді. АҚШ-тың мемлекеттік хатшысы Джон Керри «осы шабуылға қатысты қосымша ақпарат бар екендігін» мәлімдеген болатын. БҰҰ-ы оған жауап ретінде сол ақпаратты жария етуді сұрады.

Рейтерс агенттігі мен «Аль-Маядин» телеарналары ұсынған ақпаратқа сенсек, батыс елдері сириялық төңкерісшілерге жақын арада Сирияға соққы берілетіндігін хабарлаған.

Дереккөз: bnews.kz

28 тамыз 2013, 18:02

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 707 37 300 37 нөміріне және editors@azh.kz поштасына жібере аласыз.