В Атырау +4 
Австрияның Грац қаласындағы мектепте атыс салдарынан кемінде сегіз адам қаза тауып, оннан астамы жарақат алды, деп хабарлайды BBC News австриялық Kronen Zeitung басылымына сілтеме жасап.
Австрияның мемлекеттік телерадиокорпорациясы ORF жергілікті полицияға сілтеме жасап, атысқа күдікті ретінде мектеп оқушысының қарастырылып отырғанын, ол шабуыл жасаған соң өзін-өзі өлтірген болуы мүмкін екенін хабарлады.
Kronen Zeitung басылымының мәліметінше, оның денесі мектептің бір дәретханасынан табылған.
Сонымен қатар, күдікті екі сыныпқа оқ атқан.
Полиция BORG мектебі маңында операция жүргізіп жатқанын растады.
Kronen Zeitung басылымының хабарлауынша, олардың тілшісі мектеп мұғалімдерінің бірінің күйеуімен сөйлесе алған. Ол әйелінің сөзін келтіре отырып, оның оқушылармен бірге сыныпта бекініп қалғанын айтты.
Медициналық қызметкерлер жараланғандарға көмек көрсету үшін мектептің жанындағы іс-шаралар өткізілетін залда көмек пунктін ұйымдастырды.
Грац — Австриядағы көлемі бойынша екінші қала, ол Вена қаласынан шамамен 200 км қашықтықта орналасқан.