В Атырау +1 
Ретро-парк қақпасының жанындағы BATTI KAMI галереясында импрессионист суретші Марат Тоттеевті жұмыс үстінде көруге мүмкіндік болды. Ол Атырауға бірнеше күнге келіп, бір картинасын аяқтап, қала тұрғындарына жарнамалық буклеттерде сирек кездесетін Маңғыстаудың жаңа қырын ашуды мақсат етіпті.
"АЖ" анықтамасы
Марат Тоттеев – импрессионизм және этнографиялық пейзаж жанрында жұмыс істейтін суретші. 1981 жылы Алматы облысында дүниеге келген. Т. Жүргенов атындағы Қазақ ұлттық өнер академиясын тәмамдаған. Ол Қазақстанда және шетелде, соның ішінде Түркия мен Қытайда көптеген көрмелерге қатысқан. Шығыс, Оңтүстік Қазақстан және Маңғыстау табиғатына арналған картиналар сериясымен танымал.
Рухы мен қылқаламы еркін суретші Марат Тоттеев Маңғыстауға арналған картиналар топтамасын алып келді. Оның туындыларының ішінде: Шерқала тауы, Босжыра жоталары, Шақпақ-Атадағы жартас көлеңкелері мен Сандық-Тас геометриясы бар. Бұл картиналар дөңгелек залда ерекше көрініс тапты, олар жай ғана декорация емес, тірі энергияға айналған порталдар секілді әсер қалдырады.
Захар Дубскийдің үйі бейнеленген картина көрмеде ерекше орын алды. Бұл үй Форт-Шевченкода әлі де сақталған, ал енді Марат Тоттеевтің туындысында көрініс тапты. Ол аштық кезінде адамдарға көмек көрсеткен саудагердің тарихын бейнелейді.
«Маңғыстау – бұл жай ғана ландшафт емес, бұл – рух», – деді де суретші әрі қарай жұмысын жалғастырды.
Сұлтан АХМЕТ