Атыраудағы «Мұнайшы» стадионында жас жанкүйер шоу ұйымдастырды

17 мамыр кешкісін «Атырау» – «Жетісу» матчында 17 жастағы жанкүйер түрлі-түсті түтін шашатын шашка қолданды. Оқиға стадионның 12-секторында орын алды.

Атырау облысы полиция департаментінің баспасөз қызметінің хабарлауынша, жасөспірімнің әрекеті үшін оның анасы жауапкершілікке тартылды. Оған қатысты ҚР Әкімшілік құқықбұзушылық туралы кодексінің 127-бабының 1-бөлігі бойынша – ата-аналық міндеттерді тиісінше орындамау дерегімен әкімшілік хаттама толтырылды.

Әйелге 19 660 теңге көлемінде айыппұл салынды

Айнұр САПАРОВА