Ресей мен Украинаның "сауда соғысына" Еуроодақ араласты

Астана. 20 тамыз. Baq.kz– Сыртқы істер мәселелері бойынша Еуропалық парламенттің комитеті  Мысыр мен Украиндағы жағдайға байланысты шұғыл отырыс өткізді, деп жазады bigmir.netсайты.

Кезектен тыс жиынды ұйымдастырған комитет басшысы Элмар Брок Ресейдің әрекеттерін айыптауда. Ол Ресейдің Украинаға "сауда соққысын" жасауы дұрыс емес екенін, сондықтан Киевті қорғау үшін "сауда соғысына" еуропалық одақ та араласатынын жеткізген. "Импортты тоқтату арқылы, Ресей Украинамен сауда соғысын жүргізіп отыр. Осы арқылы ресейліктер Украинаны Еуразиялық Кеден Одағын таңдауға мәжбүрлеп отыр. Украина Еуропалық Одақпен еркін сауда аймағын таңдау құқығынан мәжбүрлі түрде айырылуы ықтимал", - дейді.

Сонымен қатар, Э. Брок Ресейді осылайша ДСҰ ережелерін бұзып отыр деп мәлімдеді.

Дереккөз: baq.kz