Атырауда Жайық өзеніндегі су деңгейінің шекті межесі қайта қаралды

Облыс әкімдігінде түсіндіргендей, бұл жер бедерінің ерекшеліктеріне және жағалауларды нығайту шараларына байланысты қабылданған шешім.

- Осыған байланысты гидропосттардың қауіпті межелері 550-ден 700 см-ге өзгертілді, - деп хабарлады «Қагидромет» жергілікті филиалының өкілдері.

Төтенше жағдай штабының мәліметінше, 5 сәуір күні таңертең Жайық өзеніндегі су деңгейі қала шегінде 336 см құрап, тәулік ішінде 3 см-ге артқан.

Салыстыру үшін: Индерборда деңгей 452 см (тәулігіне +5 см), Махамбетте – 558 см (+2 см) тіркелді. 900 см меже осы екі елді мекен үшін қауіпті болып саналады.

Облыстағы басқа су қоймаларындағы су деңгейі де жарияланды: 

Ойыл өзені, Миялы ауылы – 521 см (тәулігіне -17 см),
Ойыл өзені, Кезауыз – Қарабау – 101 см (+2 см), 
Сағыз өзені, Сағыз ауылы – 432 см (өзгеріссіз), 
Ноғайты өзені, Сағыз ауылы – 103 см (өзгеріссіз).

Облыстық ТЖД жағдай бақылауда, тұрғын үйлерді су басу қаупі жоқ деп сендіреді. Төтенше жағдайлар қызметі толық әзір.

Бірақ ауа-райына байланысты бәрі болуы мүмкін, мысалы, әдеттегіше мамырдың жауын-шашыны. Сондықтан, суға киетін етігіңіз жақын маңда болғаны дұрыс.

Анастасия ШЕРСТЯНКИНА