Бекіре балықтары үшін алған жазасы үш жылға шегерілді

Атырау қалалық №2 соты 2024 жылғы 17 тамызда үйінен 90 келіге жуық бекіре тұқымдас балық пен 146 грамм уылдырық табылып, тәркіленген жергілікті тұрғын К.Ж.-ның ісін қарады. Сирек кездесетін өнімдер үйдегі тоңазытқышта заңсыз сақталған.

Сот әйелді ҚР Қылмыстық кодексінің 339-бабы 2-бөлігінің 5- тармағы ("Жануарлардың сирек кездесетiн түрлерін заңсыз сақтау") бойынша  кінәлі деп тапты. Жануарлардың қорғалатын түрлеріне қатысты қызметпен айналысу құқығынан 5 жыл мерзімге айыра отырып, 3 жыл мерзімге бас бостандығынан айыру үкімі шықты.

Алайда сотталушының үш кішкентай баласы бар болуына байланысты жаза үш жылға кейінге шегерілді.

Үкім заңды күшіне енген жоқ.

Анастасия ШЕРСТЯНКИНА