Қазақстандықтар eGov арқылы атына неше SIM-карта тіркелгенін тексере алады

657 рет қаралды

Мәжілісте Цифрлық даму министрі Жаслан Мәдиев eGov порталында жаңа қызмет іске қосылғанын хабарлады. Енді әрбір қазақстандық өзінің ЖСН-ін енгізу арқылы өзіне тіркелген SIM-карталардың санын біле алады.

Бұл функция азаматтарға өз атына тіркелген, бірақ өздері пайдаланбайтын нөмірлерді анықтауға көмектеседі.

"Қазір eGov жүйесінде ЖСН – сізге қанша ұялы нөмір тіркелгенін енгізу арқылы оңай тексеруге болады. Егер нақты пайдаланған нөмірлеріңізге сәйкес келмейтін нөмір бар екенін байқасаңыз, дереу ұялы байланыс операторына хабарласып, бұл мән-жайды білуге болады", – деді министр.

Сонымен қатар, 2025 жылдың 1 сәуірінен бастап жаңа SIM-карталарды сатып алу кезінде биометриялық тіркеу міндетті болады.

Бұл өзгерістер азаматтардың қауіпсіздігін қамтамасыз етуге және алаяқтық әрекеттердің алдын алуға бағытталған.

2 сәуір 2025, 16:34

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.