​Словения президенті Димаш Құдайбергеннің өнеріне тәнті екенін айтты

Қазақстанға ресми сапармен келген Словения президенті Наташа Пирц-Мусар Қасым-Жомарт Тоқаевқа Димаш Құдайбергеннің жанкүйері екенін жеткізді. 

Мемлекет басшысы елімізге алғаш рет келген қонаққа тосын сый жасайтынын айтты. Расында Димаш салтанатты қабылдауда “Дайдидау” және “S.O.S” композицияларын орындады. 

Жүргізуші Әділ Балтабаевтың айтуынша, Пирц-Мусар бірнеше мәрте бұл шынымен де сүйікті әншісі ме деп сұраған. Кездесуде ол әншімен қол алысып, оның концертінде болғанын айтқан. Димаш бұл туралы естігенін айтып, мұндай ілтипатқа риза болғанын айтты.