Блогерлерге әлеуметтік желідегі заңсыз ұтыс ойындарына айыппұл салынатыны ескертілді

331 просмотра

Қазақстандық блогерлерге әлеуметтік желілерде заңсыз ұтыс ойындарын ұйымдастыруға қарсы ескерту жасалды. ҚР вице-премьер – ұлттық экономика министрі Серік Жұманғарин мәлім еткендей, елімізде интернет кеңістігіне белсенді мониторинг жүргізілуде, ал тәртіп бұзушыларға ірі көлемде айыппұл салынады, деп хабарлайды Информбюро.

Жыл басынан бері 1870 интернет-алаяқтық дерегі тіркелген, оның 389-ы әлеуметтік желілерде. Онлайн-казино қызметінде де көптеген бұзушылықтар анықталып, ресурстарға шектеу қойылды.

Заң бойынша лотереяларды тек "Сәтті Жұлдыз" акционерлік қоғамы ғана өткізе алады. Заңсыз ұтыс ойындарын ұйымдастырушылар 7,8 млн теңгеге дейін айыппұл төлеп, табыстары тәркіленуі мүмкін.

2024 жылдың ақпанынан бастап 113 адам жауапқа тартылып, жалпы 50 млн теңгеден астам айыппұл салынды. Депутат Ерлан Саиров блогерлерге қатаң бақылау қажет екенін айтып, олардың қоғамға үлгі болуы тиіс екенін атап өтті.

31 наурыз, 12:55

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.