Бангкок тұрғындары күшті жер сілкінісінен кейін эвакуациялануда

Мьянма мен Таиландта күшті жер сілкінісі болып, Бангкокта көпқабатты үй қирады, деп хабарлайды Евроньюс.

Таиланд астанасында ғимараттарды дірілдеткен 7,7 баллдық күшті жер сілкінісінен кейін Бангкок тұрғындарын эвакуациялау жарияланды.

АҚШ геологиялық қызметі мен GFZ неміс геоғылыми орталығы  жер сілкінісінің ошағы Мьянмада, Таиландтың Ратчабури провинциясына жақын жерде, 10 шақырым тереңдікте болғанын хабарлады.

Бангкок аймағында 17 миллионнан астам адам тұрады, олардың көпшілігі көпқабатты үйлерде тұрады. Салынып жатқан көпқабатты үйлердің бірі опырылып құлаған.

Дабыл сағат 13:30-да іске қосылды. Зәресі ұшқан тұрғындар мегаполистің халық тығыз орналасқан орталығындағы көпқабатты кондоминиумдар мен қонақүйлердің баспалдақтарымен эвакуацияланды.

Жер сілкінісінен кейін бірнеше минут бойы адамдар күн сәулесінен көлеңке іздеп көшелерде қалды.

Зардап шеккендер туралы мәлімет жоқ.

Жер сілкінісі салдарынан көпқабатты үйлердің төбесінде орналасқан бассейндерден су көшелерге атқылаған.

Азаматтық соғыс жүріп жатқан Мьянмадағы жер сілкінісінің салдары туралы әзірге ақпарат жоқ.

7.7 magnitude earthquake hits Southeast Asia, mainly impacting Myanmar and Thailand.

pic.twitter.com/hIEgS2w712
— Pop Base (@PopBase) March 28, 2025