​Ұландықтар су тасқынының алдын алу үшін​ Ойыл өзені жағалауын​ нығайтуда

Атырау облысында су тасқынына қарсы белсенді шаралар жалғасуда.  Ұлттық ұлан сарбаздары Ойыл өзенінің жағалауын бекіту жұмыстарына белсенді кірісті. 

Атырау облысы Төтенше жағдайларды жою штабының мәліметі бойынша, шара барысында жауынгерлер бес күн ішінде 8000-ға жуық қапқа құм толтырды. Қазір олар осы қаптарды су басу қаупі жоғары аймақтарға тасымалдап, Ойыл өзенінің жағалауын нығайту жұмыстарын жалғастыруда.

Бұл маңызды іске Ұлттық ұланның 60-қа жуық сарбазы жұмылдырылған. Олардың басты мақсаты — тасқын қаупін азайтып, тұрғындардың қауіпсіздігін қамтамасыз ету.