​Атырау қаласында кейбір көшелерде көлік қозғалысы уақытша шектеледі

Атырау қаласында Наурыз мерекесіне орай ауқымды мәдени іс-шаралар өтуіне байланысты 21 наурыз сағат 08:30-дан бастап, 22 наурыз 18:30-ға дейін кейбір көшелерде көлік қозғалысы уақытша шектеледі, деп хабарлады қала әкімдігінің баспасөз қызметі.  

"Құрметті Атырау қаласының тұрғындары мен қонақтары!

Ұлыстың ұлы күні – Наурыз мерекесіне орай Атырау қаласында ауқымды мәдени іс-шаралар өткізіледі. Осыған байланысты 21 наурыз сағат 08:30-дан бастап, 22 наурыз 18:30-ға дейін кейбір көшелерде көлік қозғалысы уақытша шектеледі:  

- Сәтпаев көшесі – Ә.Молдағұлова көшесінен Ерниязов көшесіне дейін  
- Тайманов даңғылы – Жарбосынов көшесінен Сәтпаев көшесіне дейін  
- Құлманов көшесі – Тайманов даңғылынан Ерниязов көшесіне дейін  

Қала тұрғындарын алдын ала қозғалыс бағыттарын жоспарлауға шақырамыз.  
Мерекелік іс-шараларға келіп, Ұлыстың ұлы күнін бірге атап өтейік!" - делінген хабарламада.