Жолаушылардың назарына: 20 наурыздан 21-не қараған түнде eGov-та «Цифрлық құжаттар» ашылмайды

20 наурыз сағат 23:00-ден 21 наурыз сағат 08:00-ге дейін  eGov.kz порталы мен eGov mobile мобильді қосымшасына, соның ішінде «Цифрлық құжаттар» қызметіне техникалық жұмыстар жүргізілуіне байланысты ондағы құжаттар ашылмайды. Рейске тіркеу кезінде қиындық туындамас үшін осы уақытта жолға шығатын жолаушылар құжаттардың түпнұсқасын өзімен бірге алып жүргені жөн. 

"Құрметті жолаушылар,

Сіздерден 20 наурыз сағат 23:00-ден 21 наурыз сағат 08:00-ге дейін Қазақстан ішіндегі рейстерге құжаттарыңыздың түпнұсқасын өзіңізбен бірге алып жүруді сұраймыз.

Көрсетілген уақыт аралығында eGov.kz порталы мен eGov mobile мобильді қосымшасына, соның ішінде «Цифрлық құжаттар» қызметіне техникалық жұмыстар жүргізілуіне байланысты қолжетімділік уақытша шектеледі.

Түпнұсқа құжаты жоқ жолаушылар рейске жіберілмейді.

Түсіністікпен қарағаныңыз үшін рақмет! Сәтті сапар тілейміз!" - делінген Air Astana хабарламасында