Қырғызстан парламенті Тәжікстанмен шекара туралы келісімді мақұлдады

Қырғызстанның Жоғарғы Кеңесі («Жогорку Кенеш») 19 наурыз, сәрсенбі күні Қырғызстан-Тәжікстан шекарасын делимитациялау туралы Шартты ратификациялау туралы заң жобасын мақұлдады. Бұл туралы АКИpress хабарлайды.

Қырғызстанның Ұлттық қауіпсіздік мемлекеттік комитетінің төрағасы (ҰҚМК) Камчыбек Ташиев депутаттарға карталарды көрсетіп, Тәжікстанмен алмастырылған учаскелер туралы түсіндірді.

Шартты ратификациялау үшін 85 депутат дауыс берсе, 1 депутат қарсы болды. Барлығы 86 депутат тіркелген.

Сонымен қатар депутаттар елдер арасындағы автомобиль жолдарын салу және пайдалану, сондай-ақ жол қиылыстарын ұйымдастыру жөніндегі келісімді және Қырғызстан Министрлер кабинеті мен Тәжікстан Үкіметі арасындағы су шаруашылығы мен энергетика объектілеріне қол жеткізу туралы келісімді мақұлдады.

18 наурыз, сейсенбі күні Тәжікстан парламенті екі ел арасындағы мемлекеттік шекара туралы келісімді ратификациялады.

13 наурыз, бейсенбі күні Тәжікстан президенті Эмомали Рахмон мен Қырғызстан президенті Садыр Жапаров Бішкекте екі ел арасындағы мемлекеттік шекара туралы түпкілікті келісімге қол қойды.