Дариға Назарбаева тағы бір лауазымынан айырылды

Мәдениет және ақпарат министрлігі "Астана Опера" мемлекеттік опера және балет театрының қамқоршылық кеңесінің құрамын өзгерту туралы үкімет қаулысының жобасын "Ашық НҚА" порталында жариялады.

Құрамнан шығарылатындар: Дариға Назарбаева, Тимур Құлыбаев, Алмасадам Сәтқалиев, Александр Машкевич, Патох Шодиев, Кеңес Рақышев, Нұрлан Смағұлов, Васкес Лучано.

Жаңартылған құрамға кіретіндер: Мәдениет және ақпарат министрі Аида Балаева, Астана әкімі Жеңіс Қасымбек, жаңадан тағайындалған театр директоры Александр Совостьянов, "ҚазАзот" АҚ директорлар кеңесінің төрағасы Бахаридин Аблазимов, "Атамекен" ҰКП басқарма төрағасының міндетін атқарушы Райымбек Баталов, "Самұрық-Қазына" қорының басшысы Нұрлан Жақыпов, ERG S.a.r.l. директорлар кеңесінің төрағасы Шухрат Ибрагимов, Agip Karachaganak B.V. компаниясының төрағасы және басқарушы директоры Сегер Хойтинк.