Әзірбайжан мен Өзбекстан Каспий теңізінде паромдық тасымалдарды дамытуды жоспарлап отыр

ASCO Басқарма төрағасы Рауф Велиев Өзбекстан көлік министрлігінің жанындағы Көлік және логистика даму орталығының директоры Бекзод Холматов бастаған өзбек делегациясымен кездесті. Делегация құрамында Өзбекстан Көлік министрлігінің және Өзбек темір жолдарының өкілдері болды.

Кездесу барысында Әзірбайжанда көлік және логистика саласында жүзеге асырылып жатқан маңызды бастамалар, сондай-ақ ASCO қызметі туралы егжей-тегжейлі ақпарат берілді.

Талқылауда Транскаспий халықаралық көлік дәлізінің (Орта дәліз) маңыздылығы мен өзектілігіне назар аударылды. Осы дәлізді дамыту аясында Каспий теңізіндегі өзбек-әзірбайжан көлік байланыстарын нығайту, оның ішінде паромдық тасымалдар сегментіндегі жаңа міндеттерді шешу мәселелеріне ерекше мән берілді.