В Атырау -1 
ҚР ҰБ бүгінге, 12 наурызға, арналған ресми доллар бағамын 488,53 теңге деңгейінде белгіледі, деп жазады DATA HUB.
Бұл кешегі күнмен салыстырғанда 1,3%-ға (6,31 теңгеге) төмен, сондай-ақ 2024 жылдың қараша айының басынан бергі ең төменгі көрсеткіш. Айта кетейік, белгіленген 490 теңгелік психологиялық межеден төмен көрсеткіштер де сол уақыттан бері алғаш рет тіркеліп отыр.
Теңгенің нығаюы жақында болған базалық мөлшерлеменің бірден 1,25 п.т. көтерілуі аясында орын алуда. Оның позициясының жақсаруына ықпал ететін тағы бір фактор ретінде доллар индексінің соңғы айда 4,76 пунктке төмендеуін атауға болады.
Бұдан бөлек, наурызда теңгеге Ұлттық банктің валюта сатуы да қолдау көрсетуде. Оның ішінде жаңа «теңестіру тетігі» аясында сату (отандық алтын өндіруші кәсіпорындардан алтын сатып алу мақсатында шығарылған теңге эмиссиясына балама көлемде доллар сатуды меңзейді) және квазимемлекеттік секторда да сату бар.
Сонымен қатар рубль де долларға қатысты айтарлықтай нығаюда. Осылайша ұлттық валютамыз ресейлік валютаға қатысты бір күн ішінде 1,8%-ға, яғни 0,1 теңгеге әлсіреп, 5,68 теңге деңгейіне жетті.