​Жетісу облысында жолдың бір бөлігін су жарып өтті

Жетісу облысында жолдың бұзылған учаскесі жедел түрде қалпына келтірілді, деп хабарлайды ҚР ТЖМ баспасөз қызметі. 

Ақсу ауданында "Жансүгіров-Матай" автожолының 34-ші шақырымында су өткелінің тозуына байланысты темірбетон құбыры мен жол төсемінің бір бөлігі жарылды.

Көлік қозғалысы уақытша тоқтатылды. Жергілікті полиция қоршау белгілерін орнатты, ал ЖАО мен жол қызметінің күштері ТЖД-ны үйлестіруімен жедел жөндеу жұмыстарын жүргізді: құбыр өткелін төсеп, топырақты толтырып, нығыздады.

Қозғалыс қысқа мерзімде қалпына келтірілді. Қазір су транзитпен өтуде.