Шымкентте 54,7 гектар жер учаскесін жеке меншікке заңсыз беру тоқтатылды

Сот бұл әрекетті заңсыз деп танып, жерді мемлекет меншігіне қайтарды, деп хабарлайды ҚР АШМ ЖРБК.

Бұл жер учаскесі мұнай өңдеу зауытын қайта құру үшін мемлекеттік қажеттіліктерге алынуы тиіс болған. Алайда, тексеру барысында ҚР Жер кодексінің 48-бабы бұзылғаны анықталды, себебі жер аукциондар мен конкурстар арқылы бәсекелестік негізде берілуі керек еді.

Шымкент қаласының мамандандырылған ауданаралық экономикалық соты бұл шешімді қолдап, заңды күшіне енгізді. Бұл шаралар арқылы заңдылық қалпына келтіріліп, мемлекеттік бюджеттен 164,2 млн теңге көлемінде негізсіз шығындардың алдын алуға мүмкіндік туды.