​Алматы әуежайында қылмыскерді құрықтаған азамат "Ерлігі үшін" медалімен марапатталды

Президент Алматы әуежайында көрсеткен ерлігі мен жанқииярлығы үшін М.С. Әбдірайымды «Ерлігі үшін» медалімен марапаттады, деп хабарлайды Ақорда. 

"Мемлекет басшысының Жарлығымен қиын-қыстау жағдайда көрсеткен ерлігі мен жанқиярлығы үшін Мұса Сайранбайұлы Әбдірайым «Ерлігі үшін» медалімен наградталсын", - делінген хабарламада. 

М.Әбдірайым құқыққорғау органының қызметкері емес. Ол бұл оқиғаға кездейсоқ ілігіп қалды. Болған жағдайға бей-жай қарамай қылмыскерге қыздың орнына өзін кепілдікке ұсынған. Сөйтіп қылмыскердлің қолындағы суық қаруды ығайы келгенде тартып алады. 

Оның ерлікке пара-пар әрекетінен жағдайдың ушығып кетуіне жол берілмеді. Мемлекеттік мекеме қызметкерлері оның ерлігін жоғары бағалап, мемлекеттік марапатқа ұсынған болатын.