Қытайдан тауар әкелу: кеден нені талап етеді?

- Қытай Халық Республикасынан әкелінетін тауарды рәсімдеу кезінде қандай құжаттар ұсыну керек?

Телефон арқылы

«Ақ Жайық» кедендік қосынының кедендік рәсімдеу орталығының бас маманы А.Меңдіхановтыңайтуынша, төмендегідей құжаттар қажет:

- тауар жеткізуші мен сатып алушының арасындағы келісім-шарт немесе келісім;

- сыртқы экономикалық қызметке (СЭҚ) қатысушының есеп карточкасы;

- тауардың жөнелтпе құжаттары (теміржол жүкқұжаттары, әуе жүкқұжаттары, тауар тасымалдау жүкқұжаттары);

- есеп-шот фактурасы, тауардың құнын растайтын чектер;

- кедендік экспорттық жүк декларациясы;

- тауардың шығу тегі туралы сертификат;

- тарифтік емес реттеу құжаттары (сәйкестік сертификаты, фитосанитарлық сертификат, санитарлық-эпидемиологиялық қызметтің қорытындысы) және басқа рұқсат құжаттары.

Бұл тауарларға төмендегідей төлемдер мен салықтар салынады:

кедендік процедура – 50 еуро;

импорттық баж салығы – Беларусь, Қазақстан Республикаларының және Ресей Федерациясының Кедендік одағының Бірыңғай кедендік-тарифтік реттеу туралы 27.11.2009 жылғы №130 комиссия шешіміне сәйкес;

- 12 пайыз мөлшерінде қосымша құн салығы салынады.