Әділет министрлігі Астана қаласының Мамандандырылған ауданаралық экономикалық сотына «Biz Birgemiz Qazaqstan 2030» қоғамдық бірлестігін мемлекеттік тіркеуді жарамсыз деп тану және мәжбүрлеп тарату туралы талап арызбен жүгінді, деп хабарлайды Atameken Business.

"Сот талабын беруге Қаржылық мониторинг агенттігінің "Biz Birgemiz Qazaqstan 2030" қоғамдық бірлестігін тіркеуді жою рәсіміне бастамашылық жасау туралы хаты негіз болды. Себебі бірлестік құру кезінде жойылмайтын сипаттағы, яғни сот шешімі бойынша заңды тұлғаны таратуға негіз болатын заңнамалық бұзушылықтарға жол берілген", - делінген Әділет министрлігінің хабарламасында.