Елімізде бірнеше банк резидент емес тұлғаларға қайтадан карта бере бастады

Бірнеше қазақстандық банк Қазақстан резидент емес тұлғаларға карта беруді қайта бастады, деп хабарлайды Sputnik.

ВТБ Қазақстан банкі бейрезиденттерге төлем карталарын беруді қайта бастады.

"Банк өз жүйесін толығымен орнатты, енді республика заңнамасының жаңа талаптары бойынша жұмыс істеуге дайын. Карталарды 12 айға дейін қолдануға болады. Бұл ретте дипломатиялық қызметкерлер мен резидент емес инвесторлар үшін карталардың қолданылу мерзімі 3 жылға дейін ұзартылуы мүмкін", - деп атап өтті банк.

Картаны ресімдеу үшін Қазақстан резиденті емес жеке тұлғаға шетелдік паспортты, жеке сәйкестендіру нөмірінің бланкісін және клиенттің салықтық резиденттігін растайтын құжатты (Ресей азаматтары үшін - СТН) ұсыну қажет.

Halyk және Kaspi банктері де резидент емес тұлғаларға карталар беруді қайта бастады.

Halyk Bank байланыс орталығы бұл қызметті алу үшін тұруға ықтиярхат қажет екенін хабарлады.

"Kaspi Gold-ты Еуразиялық экономикалық одақ (ЕАЭО) елдерінің азаматтары, сондай-ақ Қазақстанда тұруға ықтиярхаты бар шетелдіктер ала алады", - деп хабарлады банк.

Колл-орталық сондай-ақ қазақстандық нөмір қажет болатынын атап өтті.