Каспийге арналған Жасыл Пакет

Орта Азияның аймақтық экологиялық орталығы (ОААЭО) мұғалімдерге арналған «Қазақстанның Каспий өңіріне арналған Жасыл Пакет» ерекше мультимедиалық ресурсын таныстырды.

ОААЭО бұл жобаны БҰҰ Даму Бағдарламасы мен «Coca-Cola» компаниясының қолдауы аясында Орта және Шығыс Еуропаның экологиялық орталығымен бірлесе отырып жасаған.

«Каспийдің Жасыл Пакеті» мультимедиалық ресурсы құрамында компакт-диск, мұғалімге арналған екі тілді әдістемелік құрал мен қазақ және орыс тіліндегі «Дилемма» кәртішкелік ойыны бар. Жобаның мақсатты тобын 11-15 жасар мектеп оқушылары құрайды.

Алдағы оқу жылында «Жасыл Пакет» білім беру бағдарламасы пилоттық тәртіпте Атырау облысының 10 мектебінде енгізіледі.

Тамара СУХОМЛИНОВА